المصدر : مدونة الوان مناكير
احضرت فى هذا الموضوع طريقة عمل مناكير الـووتر ماربل “Water Marble “ هناك الكثير من الفتيات والسيدات يعرفونة فيديوطريقة عمل مناكير الووتر ماربل
استكمالا للفيديو .. اذكر بعض النصايح
من المهم جدا انك تغيري الماء بين كل رسمة و التانية بالاضافة الى انه من الافضل انه الماء اللي بتستخدميه تكون مفلترة عشان يتمدد اللون بسرعة بس اذا ما عندك ماء مفلتر .. ركزي على نوعيه المناكير اللي بتستخدميه لازم يكون خفيف نوعا ما مش تقيل..في الوان تعبتني زي كلوركلوب و لون معين من الوان سيفورا مدري اسمه وقتها كان مرة تلم
من المهم جدا انه اذا الالوان اللي هتستخدميها سواء كانت غامقة او فاتحة انك تخلي القاعدة “المناكير اللي علي ظفرك” يكون لونه فاتح زي الابيض عشان تبان الرسمة مظبوط
اما اذا اللون فاقع زي الفسفوري..فتقدري تحطي القاعدة غامقة..زي الاسود او الكحلي
عود الخشب جبته من السوبر ماركت لانه نحيف و يساعدني على تداخل الالوان مع بعض
اللون الاخضر من سيفورا اسمه lime green
اللون التاني هو mink muffs by Essie
اضغطى للتكبير
بالنسبة لهذا النوع من فن المناكير صراحة..اخد مني اكتر من يوم عشان اقدر اطلعهلكم بالشكل اللي شفتوه … لاني ما كنت راضيه عن الرسمات اللي قبل كدة بالاضافة الى انه استخدامي الكتير للاسيتون عدملي اظافري .. وفي النهاية جربت الرسمات على اظافر تركيب .. فاذا هتعملوا الطريقة لا تعيدوها كتير في نفس اليوم او استخدموا الاظافر التركيب
في نقطه تانية حابة اقولها .. بالرغم من اني احب الووتر ماربل بس ما احبه على كل الاظافر … افضل انه كل الاظافر تكون بلون واحد و ظافر واحد بس هو اللي يتعمل عليه الووتر ماربل … اتوقع في بنات يوافقوني في النقطة دى
الشكل هيكون مرتب جدا و رايق زي ده
